Адкрыты занятак

18 кастрычніка ў рамках падрыхтоўкі педагагічнага савета «Аб рабоце педагагічнага калектыву па фарміраванні сістэмы навыкаў усвядомленага адукацыйнага і прафесійнага самавызначэння вучняў ва ўмовах дапрофільнай падрыхтоўкі і профільнага навучання»  прайшоў адкрыты занятак па вучэбным прадмеце «Беларуская мова» ў 11 класе аграрнай накіраванасці які правяла Максімовіч Аксана Георгіеўна.

       Тэма ўрока «Галоўныя члены сказа. Дзейнік. Спосабы выражэння дзейніка».

        Мэта: узнаўленне і пашырэнне ведаў вучняў аб дзейніку і спосабах яго выражэння.

    Урок настаўнік пачаў з стварэння псіхалагічнага  настрою на працу праз эпіграф Сяргея Грахоўскага.

                Шчасце ў кожнай тваёй перамозе

                Шчасце адолець і вецер, і град,

                Шчасце – нідзе не спыняцца ў дарозе,

                Спынішся – плынню адгоніць назад.

А затым вучні пажадалі адін аднаму поспехаў у пераадоленні тых цяжкасцей, якія ўзнікнуць на ўроку.

На працягу занятка вялася работа па ўзнаўленню і пашырэнню ведаў вучняў пра дзейнік як галоўны член сказа, віды дзейніка паводле структуры; пра ўсе магчымыя спосабы выражэння дзейніка; знаходзілі дзейнік у сказе і вызначалі спосаб яго выражэння.

Выкарыстанне розных прыёмаў і тэхналогій спрыяла развіццю камунікатыўнасці, здольнасці да самаацэнцы і самааналізу, устаноўкі на самастойнасць, а таксама да ўмення адэкватна ацэньваць працу сваіх аднакласнікаў:  заданні  QR-кода, тэарэтычная размінка, лічбавы дыктант, заданні на картках рознага колеру і іншыя.

Займальны і актыўны стыль работы педагога дапамог вучням у поўнай меры раскрыць свае здольнасці. Настаўнік спрыяў выхаванні пачуцця любові і пашаны да роднага слова, беларускай мовы, роднай зямлі,  Клас быў актыўным, усе атрымалі добрыя адзнакі.