Урок па медыцынскай падрыхтоўцы ў 11 класе Тэма ўрока “ Хваробы органаў стрававання”
Урок па медыцынскай падрыхтоўцы ў 11 класе
Тэма ўрока “ Хваробы органаў стрававання”
Настаўнік Клімовіч Таццяна Іванаўна
Мэта: фарміраванне ў вучняў ведаў пра прызнакі і прычыны захворванняў органаў стрававання, аб асаблівасцях працякання захворванняў, ўменняў па аказанні першай дапамогі па доглядзе хворых і пацярпелых.
Задачы:
-вывучаць асаблівасці догляду за хворымі;
- знаеміць з прафілактычнымі мерапрыемствамі па папярэджанню захворванняў органаў стрававання;
-садзейнічаць развіццю практычных навыкаў аказання першай дапамогі;
-садзейнічаць выхаванню адказнасці, міласэрнасці, неабыякавасці ў адносінах да свайго здароўя і здароўя людзей, якія побач.
Асноўныя паняцці: адрыжка, пякотка, метэарызм, востры гастрыт, язвавая хвароба страўніка і дванаццаціперснай кішкі, вострая пячоначная коліка.
Абсталяванне: плакаты “Схема будовы органаў стрававання”, відэаролік, прэзентацыя.
Эпіграф: “Адзіная прыгажосць якую я ведаю - гэта здароўе “ (Генрых Гейне)
“Калі хочаш разумным, дужым і прыгожым быць - сваім здароўем займайся”
Ход урока
Добры дзень! Сёння да нас завіталі госці – настаўнікі медыцынскай падрыхтоўкі Вілейскага раёна. Я рада бачыць усіх прыгожымі і здаровымі, бо як сказаў Генрых Гейне “Адзіная прыгажосць, якую я ведаю - гэта здароўе. “
Настаўнік: мы працягваем вывучаць захворванні органаў чалавека і аказанне першай дапамогі.
Успомніце з курса біялогіі 9 класа будову і функцыі стрававальнай сістэмы:
І. Актуалізацыя ведаў, атрыманых у 9 класе на уроках біялогіі:
Назавіце органы стрававальнай сістэмы.
- Якія змены адбываюцца з ежай ў роце ?
- 2. Якія змены адбываюцца з ежай у страўніку?
- Якія змены адбываюцца з ежай у 12-перснай кішцы? Ахарактэрызуйце ролю печані ў страваванні.
- Ахарактэрызуйце ролю печані ў страваванні.
- Што прадуцыруе падстраўнікавая залоза, куды упадаюць яе пратокі і якая роля яе ў страваванні?
ІІ. Пастаноўка мэты урока
Настаўнік: Апорныя веды для вывучэння новай тэмы ў вас ёсць. Якая мэта сённяшняга нашага урока? Аб чым бы вы хацелі даведацца на ўроку?
III. Асноўная частка
Настаўнік: Складаныя сацыяльныя умовы, нездаровы лад жыцця, неправільнае харчаванне, харчовыя атручэнні, інфекцыі, псіхічнае перанапружанне і стрэсавыя сітуацыі, хімічныя апёкі прыводзяць да захворванняў органаў стрававання.
Гэтыя хваробы ў сувязі з іх шырокім распаўсюджаннем з’яўляюцца адной з важнейшых праблем унутранай паталогіі органаў чалавека. Яны займаюць 8 месца сярод прычын часовай непрацаздольнасці, 7 месца – у структуры першаснага выхаду на інваліднасць.
На першым месцы па зваротам да урачоў стаяць хворыя з гастрытамі, на другім — з хваробамі печані і жоўцевага пузыра, на трэццім – з язвеннымі хваробамі страўніка і дванаццаціперснай кішкі.
Магчыма і некага з вас, вашых родных кранула гэтая праблема?
Якія скаргі ўхворых? (Адказы вучняў з дапамогай настаўніка): адрыжка, пякотка, метэарызм, боль у жываце, парушэнне апетыту, моташнасць, ірвота, парушэнні функцыі кішэчніка), непрыемны горкі смак у роце.
Настаўнік: Сёння у нас у гасцях доктар-гастраэнтаролаг, які адкажа нам на хвалюючыя нас пытанні. Відэаролік
Самастойная работа з падручнікам
Настаўнік: вы атрымалі пэўную інфармацыю ад гастраэнтаролага, а цяпер больш падрабязна азнаёмцеся з матэрыялам. Адкрываем падручнік на ст.191-194. Наша праца будзе арганізавана як і на папярэднім уроку.Запаўняеце ў сшытку табліцу па плану: 1 -захворванне, 2 -прычыны, 3 -сімптомы, 4-прынцыпы лячэння, 5-прафілактыка (не запаўняюць). Працуем у парах. 1 пара-вывучае гастрыт, 2 пара- язва, 3 пара -пячоначная коліка.
Фізкультмінутка (праз 5 мін працы).
Практыкаванні на паляпшэнне мазгавога кровазвароту: нахілы галавы наперад, назад, управа, улева (3разы), кругавыя рухі галавы злева направа, справа налева (3 р.). Размінка для вачэй.
Прэзентацыя работ, запіс у сшытак. Дадатковы матэрыял “ Гастрыт”, “Язва”, Хелікабактэр пілары”
Дапаўненні настаўніка: Іншыя захворванні страўнікава-кішэчнага тракту: хранічны гастрыт. Запаленне аднаго органа ўсёй сістэмы прыводзіць да захворванняў другога органа: дуадэніт, халецыстыт (святочная хвароба” – пераяданне, якая сказваецца на жоўцевым пузыры), каліт (захв. тоустай кішкі), панкрэатыт – падстраўнікавай залозы. Востры апендыцыт- неспецыфічнае запаленне червепадобнага адростка сляпой кішкі. Анарэксія -парушэнне харчовых паводзін прыводзіць да развіцця цяжкай недастатковасці харчавання і кахексіі (фота). На жаль гэта стала актуальным сярод моладзі. Немагчыма абысціся без медыцынскай дапамогі спецыялістаў.Мода на дыеты.
Прафілактыка. У нас засталося нявырашаным адно пытанне: Як не захварэць? Як быць здаровым? Якія існуюць спосабы, метады, сродкі папярэджання і прафілактыкі захворванняў органаў стрававання.
А) Выступленні вучняў (папераджальныя заданні);
Б) Настаўнік дэманструе доследы на шкоднае ўздзеянне алкаголю і нікатыну на органы стрававання (уздзеянне спірту на бялкі, уздзеянне
нікатыну на ферменты слюны). Апісанне дэманстрацыйных доследаў на стар.140 вучэбна-метадычнага дапаможніка Е.В.Баршчэўскай для настаўнікаў медпадрыхтоўкі (Мінск нацыянальны інстытут адукацыі, 2012 год).
В) Вучні робяць вывады (пад уздзеяннем спірту адбываецца згусанне бялка і вельмі дрэнна паддаецца уздзеянню страўнікавага соку; расшчапленне вугляводаў у роце у курца блакіруецца).
Настаўнік: Сучасная медыцына дазваляе правільна паставіць дыягназ, каб правільна назначыць лячэнне, выкарыстоўваючы такія метады дыягностыкі як ФГС, рэнтгенаскапія, УЗІ.
- IV.Замацаванне
Вы атрымалі пэўныя веды і вы можаце прымяніць іх у сітуацыі прыбліжанай да рэальных абставін. Ітак, ідзе паседжанне кансіліума урачоў.
Помніце: “Радаснае выражэнне твару урача — пачатак выздараўлення хворага”.
Сцэнка. Вадзіцель скардзіцца на частыя, ныючыя болі у сярэдняй частцы жывата. Болі ўзнікаюць пасля прыёму ежы або выкурвання сігарэты. Да прыёму ежы ён зрэдку адчувае пякотку у гэтай вобласці, якая лёгка здымае прыняўшы раствор піццявой соды. Растлумачце прычыну болей, якія ўзнікаюць і раскажыце аб мерах прафілактыкі гэтага захворвання. (Рашыць сітуацыйную задачу)
Адказ: Язва страўніка. Парушаецца рэфлекторная рэгуляцыя работы органаў стрававання з-за нерэгулярнага харчавання, курэння. Выдзяленне стрававальных сокаў не заўсёды адпавядае характару ежы. Працэсы стрававання ежы парушаюцца, і на сценках страўніка утвараюцца язвы. У страўніку і кішэчніку скапліваецца вялікая колькасць газаў . зрэдку яны выходзяць праз стрававод, цягнучы за сабою вадкае змесціва страўніка. Страўнікавы сок трапіўшы у стрававод, раздражае яго сценкі, вызываючы пякотку. Піццявая сода нейтралізуе саляную кіслату, якае змяшчаецца ў стрававальным соку, супыняючы на нейкі час пякоту. Прафілактыкай язвы страўніка з’яўляецца рэгулярнае збалансаванае харчаванне, адказ ад курэння.).
Настаўнік: Кансультацыя была кампентэнтна. Дарэчы, 3 нашы дзяўчынкі плануюць звязаць сваю прафесійную будучыню з медыцынай. Паслухаем дзяўчынак, чаму яны выбіраюць прафеіі, звязаныя з медыцынай.
- V. Падвядзенне вынікаў. Выстаўленнеадзнак.
- VI. Заданне на дом:5.4, табліца, паўт. “Сардэчна-сасудзістую сістэма”, падрыхтаваць паведамленні пра хваробы органаў кровазвароту.
VII. Рэфлексія: Самае галоўнае , калі хочаш быць разумным, дужым і прыгожым - трэба памятаць пра правільныя адносіны да свайго здароўя, ім трэба займацца.
Вучні становяцца ў круг, бяруцца за рукі і выказваюць свае пажаданні сваёй суседцы, зыходзячы з той інфармацыі, якую яны пачулі на уроку.
Настаўнік: Няхай будуць тваімі ўрачамі трое: вясёлы характар, спакой і ўпэўненасць у жыцці.